Karus Amigu,
Nu krê pidi-nhos orason pa nos. Dja pasa un simana ki nha pai móre, na dia 7 di Otubru. Nu fika fraku ku falta del. Má, poku-poku, ku mon di Nhordés pa sustanta-nu, nos forsa sa ta volta. Dipos di kuazi un anu di luta kóntra kankru, nu sta kontenti ma Glória di prizénsa di Nhordés, na Séu, dja kóre ku tudu sofrimentu y dor di nha pai.
Dia 15, ta ten un grandi kultu di komemorason di vida di nha pai, na se grexa li na San Diego. Nha pai dedika tudu se vida na trabadju di traduson di Bíblia, pa kes lingua ki inda ka ten. Nu ta spéra ma es kultu di komemorason ta ben ser un ténpu di aligria, na kes lenbransa ki txeu algen ten del, pa djuda-nu kóre ku dor duranti es ténpu, y pa nu selebra se vida na trabadju di Déus nes mundu, y se vida itérnu djuntu ku Déus na Séu.
Albert Tompkins Graham
7 Febreru, 1929 - 7 Otubru, 2010
No comments:
Post a Comment