Sugestoes

Nao deixe de ler: Por cada 100 casamento, ha 70 divorcios &&&&& Epistolaonline deseja a todos Feliz Natal &&&&& Nao temas, estou contigo &&&&&

Tuesday, March 30, 2010

Ken é Jizus?


Tudu kuatru ivangeliu iskebi, ki Jizus é Misias, ki Judeus sa ta speraba. Fidju di Déus ki ten tudu puder, móri y torna labanta-resusita- y trasi nobu ómi más pertu di Déus. Kel ki poi txeu algén sen duensa, y perdua ses pekadu. Ken é kel ómi li?

Ken ki skrebi sobri Jizus?

Tudu ki nu kre sabi di Jizus kuatru ivangeliu skribi, undi nu ta inkontra na libru di Mateus, Markus, Lukas y Juon. Más kennhi é Jizus? Nés pergunta li kés algén ki ta studa pa sabi di Déus-Tiolugus- és ten trabadjadu durante 150 anu. Prublématika pa inkontra linha di história di Jizus ten testadu varius religiosus. Ivangelius ka ta da tudu detali di bida di Jizus, más é danu kel nu mésti pa nu konx –El. Désdi tenpus antigu sa ta  faladu di Jizus y és pergunta. Kennhi é Jizus?, kontinua ta trapatxa kabéza di txeu ki ka kre seta ki El é Fidju di Déus y nos Déus tanbé.

Tudu quatru Ivangéliu ta danu prispektiva ki Jizus nansi na anu zeru (0) sigundu kankulus di kontagen di kaléndáriu ki ta kulmina ku tudu iskritura di és quatru libru na anu 70. Ku 30 ano E resebi Batismu di Juon é resebi Spiritu Santu, é kumesa sé mison, e txoma é isxodji 12 discipulu, e trazi speranza pa tudu povu y kel ki resebel, resebi kura y perdom di pekadu. Sé ministériu trazi risposta pa storia, siensia y medisina, e móri e labanta e sta vivu. Bandera labanta y kontiuna ta brilia até 33 anu.

Jizus y sé familia

Jizus nansi na cidadi di Nazaré di Galileia-Isarel, undi e kressi na meiu di familia tradisional Judeu. Ses armun, é kes ki na Ivangeliu di  Markus nu ta atxa skritu. Markus 6:3
Jizus nansi di obra di Spiritu Santu. Doz Ivangeliu, Mateus y Lukas,ta ixplika ku más detali, sé nascimentu. Libru di Markus ta kumesa ta papia di se Batismu, Juon ta dibusa más da ixposison ki ta konserni a inkaranason di Jizus-ki é verbu-palabra. Juon 1. Si ben ki tudu forma ki és quatru ivangeliu ta presenta é ta ponta direson pa puru Tiologia- Déus-ómi. Kel ki sta na méiu di tudu nós.  Na sé nansimentu trazi revelason pa prublema di umanidadi- Sé nomi é Jizus pamodi é El ki ta salva tudu povu di sé pekadu. Mateus 1:21.
Di un pai karpinteru, José, Jizus sigí mesmu ramu  y komu Judeu e prendi tudu ki sta na bedju Testamentu sigundu sés lei.Leia +

Pa: Jorge Rocha

No comments:

LinkWithin

Related Posts Plugin for WordPress, Blogger...