Sugestoes

Nao deixe de ler: Por cada 100 casamento, ha 70 divorcios &&&&& Epistolaonline deseja a todos Feliz Natal &&&&& Nao temas, estou contigo &&&&&

Thursday, October 25, 2007

JNI - Praia



Oi José Heleno, td dretu??

Ki Paz di Jesus ta sta ku bô. Odja Sónia flan ma e fikaba di mandau fotus di simana di juventudi na Praia (16 a 19 e 21 di Outubru). Ami també djan pensaba na mandaba bo fotus e algum relatóriu di modi ki foi. Nos ideia foi di da jovens um oportunidadi di pensa, cria e fazi es me um simana di juventudi. Sima nos td sabi jovens tem um grandi poder di criatividadi, sempri es ta mesti di um forsa e um chanci e incentivu. Direson, pruveta uns grupus ki nu criaba na retiru na São Franciscu. Nu tinha: grupo amarelo, azul, laranja e verde. Cada grupu tinha dos jovens adultus (ku más experiência). Na simana nu da cada grupu um dia pa toma conta di cultu di inisiu ti fim. També nu ranja um grupu di irmons pa avalia kes critérius li: assistensia, oferta, pontualidadi, reverencia, criatividadi (arrumason di igeja, modi ki es organiza direson di cultu, ou algun otu kuza diferenti e dinamiku). Nu poi um alvu di 300 alguen e 20.000$00 CVE pés alkansa (um desafiu). Menus grupu amarelu td kes otu risolvi konvida um pregador diferenti, Pst Léci, Pst António di ASA e Irmão Cristiano (ki ta sta na Boavista). Grupu amarelu fazi um cena e es me trazi desafiu pa td kes cento e tal ki staba presenti na kultu. Graças a Deus duranti td kes dias li nu odja ma kada dia foi midjor ki kel ottu, o tanto ki foi kel ultimu grupu ki toma konta di cultu ki ganha (grupu laranja). Ku kel atividadi li nu odja ma nos jovens tem um grandi potencial, es ta mesti di um poku di espaço e liberdadi, mas també nu odja ma sempri es ta mesti di alguém ku más experiência pa conduzis. Txeu jovens di liceu bem pa cultu e alguns foi tocado pa txiga na altar. Deus seja Louvado. Nhôs ora pa nos jovens, nu sta odja juventudi Nazarena di Praia ta luta pa labanta inda más, pa podi mostra Praia ma bali pena vivi ku Jesus.

Direson di JNI di Praia ta saudau ku Paz di Senhor.
Presidente: Manuela Sá-Nogueira
Vice-Presidente: Carla Tavares
Tesoureiro: Gildo Morais
Secretário: Otniel Lopes (Tunney)

No comments:

LinkWithin

Related Posts Plugin for WordPress, Blogger...